Американската Федерална трговска комисија го истражува ТикТок за наводно кршење на приватноста и безбедноста на податоците на корисниците.
Доколку има потреба од тоа, ФЕД би можел дури и да одлучи да поднесе тужба во следните неколку недели, пишува весникот „Политико“, повикувајќи се на добро информирани извори.
Претставничкиот дом на САД претходно овој месец гласаше да се усвои нацрт-закон со кој на кинеската компанија ByteDance, сопственик на ТикТок , ќе и се даде околу шест месеци да ги продаде американските средства на апликацијата на друг сопственик. Во спротивно, на апликацијата и се заканува забрана во Америка.
Белата куќа најави дека Сенатот наскоро треба да гласа за законот, а американскиот претседател Џозеф Бајден рече дека ќе го потпише законот.