Цените на нафтените деривати во светот значително варираат од држава до држава, а најновите податоци покажуваат дека разликите се и повеќекратни.
Според глобалните анализи, Хонг Конг е земјата со најскапи бензини во светот, каде еден литар достигнува до речиси 4 долари. Веднаш зад него се наоѓаат држави како Малави, Данска и Сингапур, каде цените исто така се над 2,5 долари за литар.
Во Европа, високите цени продолжуваат да доминираат во скандинавските и западноевропските земји, па така Норвешка (2,4 долари), Холандија (2,5 долари), Германија (2,35 долари) и Франција (2.15 долари) имаат значително поскапо гориво во споредба со остатокот од светот.
Од друга страна, Република Македонија се наоѓа меѓу земјите со пониски цени, со околу 1,48 долари за литар бензин.
Иако на светските берзи цената на нафтата се движи поинаку, крајната цена што ја плаќаат граѓаните на бензинските станици често е значително повисока поради дополнителни трошоци и давачки.