Иран и САД денеска се согласија за основните принципи во втората рунда индиректни преговори за иранскиот нуклеарен спор, но тоа не значи дека конечниот договор е на повидок, изјави иранскиот министер за надворешни работи, Абас Арагчи.
– Беа претставени различни идеи, за тие идеи сериозно се разговараше, на крајот успеавме да постигнеме општ договор за некои водечки принципи, отсега ќе се движиме врз основа на тие принципи и ќе навлеземе во текстот на потенцијалниот договор, рече Арагчи за иранските медиуми по завршувањето на преговорите во Женева.
По размената на документите, двете страни ќе одлучат за датумот за третата рунда преговори, додаде тој.
Во Женева денеска заврши втората рунда нуклеарни преговори меѓу САД и Иран кои се одржаа амбасадата на Оман.