Во меѓународниот трговски центар Јиву, најголемиот пазар на големо во Кина, купувачите се туркаат да купат „тажен коњ“ пред кинеската лунарна Нова Година.
Црвениот плишан коњ со спуштена уста, златно ѕвонче околу вратот и очи кои како да го кријат погледот на гледачот е играчка што стана хит во Кина. Плишаниот коњ стана вирален на кинеските социјални медиуми пред Пролетниот фестивал, кој оваа година ја одбележува Годината на коњот во кинескиот зодијак.
Играчката „тажен коњ“ беше дизајнирана како декорација за лунарната Нова Година со среќно лице, но грешка во производството ја претвори нејзината насмевка во намрштеност.
View this post on Instagram
Според сопственикот на продавница за играчки во Јиву, Џанк Хуокинг, работниците случајно ја сошиле устата погрешно, правејќи го коњот тажен.
-Луѓето се шегуваа дека коњот што плаче ги претставува несреќните луѓе на работното место, додека насмеаниот коњ претставува како се чувствувате по завршување на работниот ден, рече Џанк.
Како што растела побарувачката, Хуокинг одлучила да продолжи да прави верзија со коњ со тажно лице.
Играчката се вклопува во популарниот тренд на таканаречени „грди-слатки“ играчки, популаризирани во последниве години од ликови како чудовиштето со заби Лабубу.
„Денес, речиси секој што ќе влезе во продавница го бара тажниот коњ“, рече Лу Женксијан, продавач од Јиву кој продава празнични играчки повеќе од 25 години.