Невидена трагедија се случи по фудбалски натпревар кога напаѓачите застрелаа и убија 11 лица. Уште 12 лица беа ранети, вклучувајќи жена и дете.
Трагедијата се случи во градот Саламанка, а градоначалникот Сезар Прието се огласи по повод настанот.
„Меѓу повредените во жалниот и кукавички напад во заедницата Лома де Флорес за време на дружење имаше жена и дете. Тој инцидент придонесува за бранот насилство што, за жал, го доживуваме во земјата, особено во Саламанка. Одговорните ќе бидат пронајдени“, рече градоначалникот во соопштението.
Истакнува дека криминалните групи се обидуваат да им се спротивстават на властите, но дека нема да успеат, објави „Ројтерс“.
Horror on the Soccer Field: 11 Killed in Mexico Attack 😱💔
• Gunmen stormed a local pitch in Salamanca, Guanajuato
• 11 people tragically shot dead in the brutal assault
• Authorities now hunting the attackers #MexicoViolence #Guanajuato pic.twitter.com/RpaMX3tu1A— Voice Of Bharat 🇮🇳🌍 (@Kunal_Mechrules) January 26, 2026
Државното обвинителство во државата Гванахуато, каде што се наоѓа Саламанка, започна истрага.
„Канцеларијата ги координираше напорите со општинските, државните и федералните власти за зајакнување на безбедноста во областа, заштита на нејзините граѓани и пронаоѓање на веројатните сторители“, се вели во соопштението.