Европската унија мора да ги забрза своите напори кон независност за да се одбрани во свет кој брзо се менува, изјави денеска претседателката на Европската комисија, Урсула фон дер Лајен.
– На крстопат сме. Европа претпочита дијалог и решенија, но целосно сме подготвени да делуваме, ако е потребно, со единство, итност и одлучност, рече Фон дер Лајен во обраќање во Европскиот парламент.
Таа укажа дека „во овој свет на сè поголемо беззаконие, на Европа ѝ се потребни сопствени лостови на моќ“.
– Ги знаеме – силна економија, просперитетен единствен пазар и индустриска база, силен капацитет за иновации и технологија, обединети општества и пред сè вистинска способност да се браниме, рече Фон дер Лајен.
Таа истакна дека е „поважно од кога било“ да се продолжи со фокусот на Украина, како и дека Европската унија ќе соработува со Соединетите Американски Држави и со другите партнери на зајакнување на безбедноста во арктичкиот регион. јт/
This moment of global change is fraught with dangers.
And Europe must be ready to change even faster.
To become more independent. For its own future ↓ https://t.co/LwlxjFLhZX
— Ursula von der Leyen (@vonderleyen) January 21, 2026