Министерот за внатрешни работи Панче Тошковски соопшти дека полицијата од куќа во куќа ги известува жителите во најризичната зона околу пожарот дека треба да се евакуираат.
„Припадници на МВР од куќа во куќа влегуваат и им кажуваат дека треба да ги напуштат. Најризичен периметар се на 150 метри од местото на пожарот. Веднаш се упативме кон домовите на луѓето. Министерството за здравство даде препораки за вакви кризни ситуации“, изјави Тошковски.
Тој прецизираше дека на 150 метри од огништето е утврдено високо ниво на опасност. „Од 150 до 200 метри е средно ниво на опасност. Од 200 до 400 метри е ниско ниво на опасност. Над 400 метри не се утврдени загадувања кои би биле штетни. Тоа се информациите кои ги добивме“, додаде министерот.
Прес-конференција на министерот Панче Тошковски 13.09.2025
Posted by Министерство за внатрешни работи / Мinistria e Punëve të Brendshme on Saturday, September 13, 2025