Пожари се уште беснеат на повеќе локации во Црна Гора. Активни пожари има кај Подгорица, Бар, Будва, Бијело Поље, Никшиќ, Шавник, Чањ и Буљарица.
Црна Гора поради сериозната состојба со разбеснетите пожари побара помош од Механизмот на ЕУ за цивилна заштита и од Евроатлантскиот координациски центар на НАТО. Хрватски и српски воздухоплови веќе се вклучени во гаснењето, а од терен наскоро ќе им се приклучат и австриските пожарникари.
Пожарникарите од Австрија објавија дека подготвени тргнуваат за Црна Гора да помогнат во гаснење на масивните пожари.
-По повикот за помош во врска со механизмот за спречување на катастрофи на ЕУ, тим од 54 члена на специјалната служба „Шумско и коридорско гаснење пожари“ утрово ја напушти базата во Тулн кон Црна Гора. На лице место, нашите луѓе ги поддржуваат локалните пожарникари со модерна технологија – од ранци со апарати за гаснење пожар до мобилни системи за вода – и пред сè, со нивното меѓународно искуство. Целта е да се запре ширењето на пожарите и да се заштити населението, објавија австриските пожарникари.
-Меѓународната помош е жива солидарност – денес ние сме тие што помагаат, а утре може нас да не’ сретне, вели лидерот на тимот Дитмар Фахрафелнер.
Помошта е Австрија, според објавеното, ќе биде во Црна Гора неколку дена, но екипите не ја исклучуваат можност за продолжување на нивната интервенција во зависност од состојбите и потребите на терен.
