Русија е заинтересирана за продолжување на соработката меѓу Иран и Меѓународната агенција за атомска енергија (МААЕ), изјави денеска рускиот министер за надворешни работи Сергеј Лавров.
– Заинтересирани сме за продолжување на соработката на Иран со МААЕ. Заинтересирани сме сите да ги почитуваат повторените изјави на Иран, на врховниот лидер на Иран (Али Хамнеи), дека Иран нема и нема да има планови за создавање нуклеарно оружје, рече Лавров.
Тој истакна дека одлуката на иранскиот Парламент да ја прекине соработката на Иран со МААЕ е од „советодавна природа“, во однос на извршната власт.