Унгарската ракометна репрезентација во последното коло од втората фаза на натпреварувањето ги совлада избраниците на Катар со 29:23 (12:12), со што заедно со францускиот тим се пласираа во четвртфиналето.
Овој епилог ја растажи Македонија, која сега треба да игра против Франција без императив, а таква е и ситуацијата со нашиот вечерашен противник, кој досега не ја почувствувал горчината на поразот во натпреварувањето.
Пласман во четвртфиналето веќе обезбедија селекциите на Данска, Германија, Франција, Унгарија, Португалија и Бразил, а единствената дилема е во групата 4 каде за двете места во нокаут-фазата ќе се борат Хрватска, Египет и Исланд.
Сите три екипи имаат по шест бода. Исланд игра против Аргентина, Египет против Зеленортските Острови, а Хрватска против Словенија.
Доколку сите три селекции победат, Хрватска и Египет ќе се пласираа во четвртфиналето, додека Исланд ќе остане со кусите ракави.