Двајцата лидери синоќа разговараа по вторпат за помалку од една недела, при што Бајден повторно го предупреди Нетанјаху да не започнува операции во јужниот дел на Газа без безбедносен план за околу еден милион луѓе кои се засолниле таму.
„Тие, исто така, разговараа за тековните преговори за ослободување на заложниците, при што Бајден вети дека ќе продолжи да работи деноноќно за да им помогне на луѓето кои поминале 132 дена во заробеништво на Хамас“, соопшти Белата куќа.
Претходно овој месец, Бајден рече дека воениот одговор на Израел во Газа е „претеран“ и изрази голема загриженост поради се поголемиот број цивилни жртви во палестинската енклава.