Британските медиуми потсетуваат дека во последните месеци односите меѓу Киев и Варшава се влошија во контекст на граничната блокада на полските возачи на камиони, што претставува закана за економскиот раст на Украина.
-Разговаравме со премиерот дека сите постоечки проблематични прашања можат да се решат на ниво на влади и наскоро ќе почнеме да работиме во оваа насока, рече Зеленски на заедничката прес-конференција со Туск по нивните разговори во украинската престолнина.
Полскиот премиер, пак, изјави дека двете земји се подготвени да ги завршат преговорите за инвестиции во заедничко производство на оружје и муниција. Тој посочи дека Полска и Украина имаат заеднички ставови за настаните на границата кои го попречуваат транспортот на стока.