Ситуацијата со поплавите и понатаму е критична во некои региони на германската покраина Долна Саксонија, изјави денеска портпаролот на Министерството за внатрешни работи Хановер за ДПА.
Се очекуваат дополнителни врнежи, што значи дека нивото на водата би можело да се зголеми и ситуацијата на некои места може да се влоши, рече портпаролот.
Во некои општини е прогласен таканаречен „исклучителен настан“, што значи дека областите или градовите можат полесно да пристапат до службите за итни случаи. Ова ниво на подготвеност продолжува да се применува во шест области во Долна Саксонија.
На југ, нивото на водата на реката Вера во државата Тирингија повторно се зголемува по обилните врнежи. Германската метеоролошка служба (DWD) предупреди на обилни континуирани дождови во делови на Тирингија до петок, особено во југозападната Тирингија и јужните планини Харц.
Во северниот дел на Тирингија, нивото на водата се очекува значително да се зголеми на реките Зорге, Бере и Унштрут. Нивото на водата утрово на четири мерни места во Тирингија веќе предизвикува загриженост.