„Extra omnes“ или „Сите надвор“.
Вратите на Систинската капела се затвораат со оваа прогласка, а целиот несуштински персонал излегува.
-Сега кога си заминаа, кардиналот Раниеро Канталамеса ќе одржи медитација, поканувајќи ги кардиналите во простор на молитва и проникливост пред да започне гласањето за следниот Папа, објави Ватикан.
Кардиналите ќе гласаат еднаш денеска, а првиот сигнал за чад ќе биде даден од оџакот на Систинската капела околу 19:00 часот по локално време. Се очекува чадот да биде црн, што ќе значи дека не е избран папа.
Ако чадот е бел, тоа ќе значи дека е избран 267-от наследник на Свети Петар и новиот водач на Католичката црква.
Стотици луѓе се пред Ватикан каде го чекаат чадот кој ќе го открие резултатот од првото гласање на конклавата.
