Салата на францускиот кошаркарски прволигашки клуб Гравелин, во чиј редови во минатото настапуваше македонскиот репрезентативец Војдан Стојановски, изгоре до темел на Божиќ во голем пожар, јавија вечерва француските медиуми.
-Повеќе ја нема кошаркарска сала, сè исчезна во чад. Четириесет години живот во салата Спортика исчезна во чад, изјави претседателот на клубот Гравелин, Кристијан Дево.
Heartbreaking scenes in France 🙏
BCM Gravelines Arena has caught fire earlier today pic.twitter.com/SjcU3jFns7
— BasketNews (@BasketNews_com) December 25, 2023
Медиумите јавија дека повеќе од 60 пожарникари биле мобилизирани во гаснење на пожарот кој ја опустоши кошаркарската сала со капацитет од 3.000 седишта, која беше дел од спортски комплекс со базен, кафетерија и околни објекти.
-Доколку бевме во време на голема посетеност во базенот или доколку имаше тренинг во салата, тоа ќе беше катастрофално, рече Дево.
Гравелин, кој во моментов е претпоследен на табелата во француското првенство, в четврток требаше да му биде домаќин на второпласираниот Париз, но натпреварот е откажан.