Папата Франциск не ја повикува Украина да се предаде, туку повикува на прекин на огнот и храброст во преговорите, изјави вчера директорот на канцеларијата за печат на Ватикан, Матео Бруни.
„Папата го користи терминот бело знаме и одговара на впечатокот предложен од новинарот, за да укаже на прекин на непријателствата и примирје постигнато преку храброста во преговорите“, рече Бруни за интервјуто на папата Франциско за швајцарската телевизија РТС, кое ќе биде емитувано месецов, а дел беше објавен завчера.
„Во другите делови од интервјуто, зборувајќи за друга конфликтна ситуација, но мислејќи на каква било воена ситуација, папата јасно рече: „Преговорите никогаш не се предавство“.
„Надежта на папата е и останува она што тој постојано го повторува овие години, а неодамна се осврна на тоа по повод втората годишнина од конфликтот: „Додека ја обновувам мојата многу длабока наклонетост кон маченичкиот украински народ и се молам за сите, особено за многуте невини жртви, барам да се најде малку хуманост што ќе овозможи создавање услови за дипломатско решение во потрагата по праведен и траен мир“, заклучи Бруни.