Москва ги интензивираше нападите на дел од територијата што ја држат Украинците во руската област Курск, изјави командантот на украинската армија, Олександр Сирски.
-Веќе трет ден непријателот врши интензивни напади во областа Курск, рече украинскиот генерал, додавајќи дека Русија „активно“ ги користи севернокорејските војници кои „имаа значителни загуби“.
Украинските власти вчера соопштија дека нивните војници убиле или раниле најмалку 30 севернокорејски војници кои Русија ги распоредила во Курск. (МИА)