Еден пар од Арканзас е уапсен откако наводно се обидел да го продаде своето 2-месечно бебе за пакет пиво и чек од 1.000 долари.
Родителите на бебето, Дариен Урбан (21) и Шајлин Елерс (20) се уапсени откако менаџерот на кампот во округот Бентон повикал локална полиција да го пријави инцидентот, објави Си-Би-Ес Њуз.
Кога дошла полицијата, констатирала дека на бебето му е потребна лекарска помош и итно го однеле во болница.
На судењето било откриено дека родителите потпишале договор со маж кој се обидел да го купи бебето.
Сведоците известиле дека маж во кампот, идентификуван во изјавата како Рики Крафорд, ги посетил родителите и понудил да го однесе бебето за ноќ во замена за пакет пиво.
Друг сведок им рекол на властите дека почувствувале силен мирис на амонијак и измет што доаѓа од бебето, кое носело валкана пелена. Жената на судењето рекла дека откако го пресоблекла бебето, видела силен осип, плускавци и оток.
Двојката била уапсена, а Урбан ослободен со кауција од 5.000 долари, додека Елерс останала во притвор со кауција од 30.000 долари.