Средновековната катедрала стара 860 години, симбол и на Франција и на Париз, детално е реставрирана, со нова кула и плафон, а украсите од бел камен и злато блескаат посилно од кога било.
Вечерта на 15 април 2019 целиот свет со ужас гледаше како кулата и покривот на катедралата се уриваат во бесниот оган кој им се закануваше на главните камбанарии и целата градба. Уништувањето беше за влакно избегнато.
„Планетата беше вознемирена тој ден“, кажа францускиот претседател Емануел Макрон пред денешната церемонија на отворање. „Шокот од повторното отворање, верувам и сакам да верувам, ќе биде силен како тој од пожарот, но тоа ќе биде шок на надеж“.
The magnificently restored interior of the Notre-Dame Cathedral. pic.twitter.com/aGrXcWWIFn
— Architecture & Tradition (@archi_tradition) December 5, 2024
Макрон, ослабен од длабоката политичка криза во земјата, ќе има прилика да ги заборави проблемите кога ќе ги дочека новоизбраниот американски претседател Доналд Трамп, британскиот принц Вилијам и десетици шефови на држави и влади.
Церемонијата треба да почне околу 19 часот.
Според податоците од кабинетот на Макрон, за обнова на катедралата „многу пари се слеаја од целиот свет, повеќе од 840 милиони евра, што останаа средства за понатамошни вложувања во објектот“.
Католичката црква очекува катедралата да ја посетуваат 15 милиони луѓе годишно.