Претседателката на Европската комисија Урсула фон дер Лајен го поздрави договорот на амбасадорите на ЕУ за воведување на 18. пакет санкции против Русија, оценувајќи дека тој „удира во срцето на руската воена машинерија“.
– Санкциите се насочени кон банкарскиот, енергетскиот и воено-индустрискиот сектор на Русија, вклучително и со ново, динамично ограничување на цената на руската нафта. Притисокот останува активен и ќе трае додека Путин не ја запре овој војна, напиша Фон дер Лајен на социјалната мрежа Икс.
Новите мерки, меѓу другото, предвидуваат исклучување на уште околу 20 руски банки од меѓународниот платен систем СВИФТ, ограничување на трговијата со нафта, како и целосна забрана за трансакции со Русија, вклучително и за преработена руска нафта во трети земји.
Пакетот ќе биде официјално усвоен на денешниот состанок на министрите на ЕУ во Брисел, при што се можни дополнителни измени пред неговото финално изгласување.
I welcome the agreement on our 18th sanctions package against Russia.
We are striking at the heart of Russia's war machine.
Targeting its banking, energy and military-industrial sectors and including a new dynamic oil price cap.
The pressure is on.
It will stay on until…
— Ursula von der Leyen (@vonderleyen) July 18, 2025