Експерт за човекови права на ОН денеска изјави дека Москва е одговорна за смртта на рускиот опозициски лидер Алексеј Навални бидејќи тој или бил убиен во затвор или умрел како резултат на лошите услови во затворот што може да се споредат со тортура.
„Затоа, руската влада е одговорна за неговата смрт, на кој било начин“, изјави експертот Мариана Кацарова на маргините на настанот во седиштето на ОН во Женева посветен на руските политички затвореници.
Кацарова, исто така, предупреди дека другите затвореници во Русија би можеле да бидат со судбина како и Навални, истакнувајќи дека е „многу загрижена“ за опозицискиот лидер Владимир Кара-Мурза.