Потпретседателот на САД Џеј Ди Венс денеска ја поздрави „операцијата“ во Венецуела и им честита на „храбрите специјални оперативци кои изведоа импресивна операција“.
– Претседателот понуди повеќе излези, но беше многу јасен во текот на целиот процес: трговијата со дрога мора да престане, а украдената нафта мора да се врати во Соединетите Држави. Мадуро е најновата личност што откри дека претседателот Трамп навистина го мисли тоа што го зборува, напиша Венс на Х.
Обраќајќи им се на сите што велат дека ова е „нелегално“, Венс потсети дека „Мадуро има повеќекратни обвиненија во Соединетите Држави за наркотероризам“.
– Не можете да избегнете правда за трговија со дрога во Соединетите Држави затоа што живеете во палата во Каракас, нагласи американскиот потпретседател.