Четиримесечно бебе од Италија паднало во кома откако неговата баба за разредување на млекото во прав по грешка искористила вино.
Бебе паднало во алкохолна кома откако неговата баба случајно употребила вино при подготовка на млеко бидејќи помешала шише вино со темно стаклено шише со вода, објавија локалните медиуми.
Бабата од Франкавила Фонтана во јужната италијанска провинција Бриндизи наводно му дала на бебето шише околу пладне во понеделникот. Момчето испило малку од мешавината млеко во прав и вино, но веднаш го одбило шишето.
Таа ја сфатила својата грешка откако го помирисала шишето и го однела внукот во блиската болница Перино, каде што добил итна медицинска помош.
Желудникот на момчето бил испран, пред вчера да биде интубиран и префрлен на одделот за интензивна нега на педијатриската болница Џовани во Бари.
Се вели дека неговата состојба е стабилна и се подобрува. Според локалните медиуми, се смета дека неговиот живот не е во опасност.
За случајот е известено Јавното обвинителство и наводно ќе ја прегледа медицинската евиденција на бебето за да утврди дали ќе поднесе кривична пријава.
Локалната полиција исто така го истражува инцидентот.