За градот Скопје и градоначалничката Данела Арсовска еуфоријата околу новогодишните празници се уште трае.
Додека главниот град не беше украсен десетина дена пред Новата година и беше на мета на критики од граѓаните, овој пат градот очигледно е и последната европска метропола што се уште е украсена…
Овие денови сите што се движат низ главните булевари на Скопје, како и по „Партизанска“ можат да забележат дека се уште светат новогодишните сијалички и дека градот не е откитен точно еден месец по Новата година.
Дали навистина нема кој да ги откити булеварите во Скопје засега е непознато, а она што е познато е дека оваа Нова година ќе остане запаметена по искривената и несреќната елка која стана хит низ целиот регион.
Но и по скандалот околу набавката и необјавениот тендер за новогодишното украсување на главниот град.
И додека се штеди струја на секаде ова зимо, очигледно Скопје ќе биде украсено до кинеската Нова година која се прославува на 10 февруари идниот месец.