Даноците на имот и Комуналните такси се основните извори на приходи на Градот Скопје. Средствата остварени од овие приходи овозможуваат финансирање на основните функции на Градот, изведбата на инфраструктурните проекти, ко-финансирање на услугите што ги даваат комуналните претпријатија и јавните установи како и финансирање на трошоците на средните училишта во Градот Скопје, информираат од Градот.
Според евиденцијата на Секторот за даноци на имот и Комунални такси, за периодот од 2020 до 2025 година, по основ на даноци и такси, граѓаните и компаниите, имаат долг спрема Градот Скопје во износ од преку 36 милиони евра.
-Се повикуваат сите даночни и таксени обврзници (правни и физички лица) кои немаат платено данок на имот, данок на промет, данок на наследство и подарок и комунална такса-фирмарина, да ги подмират своите даночни обврски во најкраток временски рок, велат од Град Скопје.
Увид во вашиот долг, преземање на даночните и таксените Решенија, како и електронска уплата на долгот може да извршите преку електронската платформа на Град Скопје: https://danoci.skopje.gov.mk/gskopje/root/public/login.xhtml.
За сите прашања можете да се јавите на следните телефонски броеви:
-
- за данок на имот: 072/204-434 и 02/3207-546 како и е-маил адресите: [email protected], [email protected],
- за данок на промет, наследство и подарок: : 02/3297-298 и 02/3297-296 како и е-маил адресата: [email protected],
- за комунална такса-фирмарина: 02/3297-314 како и е-маил адресата: [email protected], и
- за даночно сметководство: 02/3297-298 и 02/3297-296, како и на е-маил адресата: [email protected].
Даночниот долг може да го платите и преку Даночните шалтери на Град Скопје, кои Ви стојат на располагање секој работен ден од 8 до 19 часот, како и во Сабота на 13.12.2025 година.