Општина Ѓорче Петров како еколошки одговорна локална самоуправа организира голема акција за собирање кабаст отпад, односно мебел, бела техника и дотраени делови од домаќинствата кои повеќе не им се потребни на граѓаните, објави на социјалната мрежа на Фејсбук градоначалникот Александар Стојкоски.
На 30 и 31 август, како и на 1 септември ќе поставиме контејнери за кабаст отпад на повеќе означени локации низ целата општина. Во делови од Ѓорче Петров отпадот ќе се собира во контејнери, а во делови каде ќе биде одложен ќе биде собран со соодветни возила за транспорт на отпад.
Граѓаните ќе може да ја искористат акцијата во петок, сабота и недела во текот на целиот ден на следните локации:
– На паркингот кај градинката во Даме Груев
– Хром – Полјана
– На последна “5-ка”
– На ул. “Социјалистичка Зора” кај игралиштето
– На ул.”Македонска Војска” кај гимназија “Кочо Рацин”
– На ул.” Алексо Демниевски”
– Дексион кај старата месна заедница
– И во руралниот дел на следните локации :
– Дандар
– Блага Вода
– Ново Село кај трансформаторот
– Орман
– Волково кај кружниот тек
Свесен сум дека граѓаните имаат проблем при транспорт на ваков вид отпад, но и околу локациите за одложуваење на истиот. Токму ваквите акции се наш придонес да им се олесни на ѓорчепетровци во овој дел.
ѓВакви акции ќе бидат организирани и во иднина. Наш приоритет останува чиста и еколошки здрава животна средина.
Продолжуваме. За чисто Ѓорче, пишува Стојкоски во својата објава.