Поради дефект на главната водоводна линија Делчево утрово е без вода за пиење.
Дефектот како што информираа од Јавното комунално претпријатие „Брегалница“ е настанат во раните утрински часови на главната доводна линија од Тработивиште до Делчево.
-Се работи за непланиран дефект на кој наши екипи се на терен и работат на негово санирање. Очекуваме за најкратко време дефектот да биде отклонат, истакнаа од ЈКП Брегалница Делчево.
Упатија благодарност на разбирањето и упатија на стрпливост кај граѓаните, додека дефектот биде саниран.