Александра Ѓ. (33), мајка на пет деца, од околината на Јагодина, е осомничена дека го убила своето новороденче кое било пронајдено во замрзнувачот на станот во кој живеела.
Како што пишуваат српските медиуми, Александра наводно во изјавата што ја дала во полиција, детално опишала како се породила во тоалет во изнајмен стан во околината на Деспотовац и дека нејзиното бебе имало само едно око, една рака и четири прсти.
Сопругот на Александра починал пред две години, а се зборува дека не се знае со кого забременила.
-Според нашите неофицијални информации, нејзиниот покоен сопруг работел во странство и често бил отсутен, па татковството на петте деца што ги има никогаш не било утврдено, но тој решил да ги прифати сите како свои деца, без разлика на тоа, пишува Информер.
Исто така, селаните во околината на Јагодина откриваат дека Александра и нејзиниот покоен сопруг дале едно дете на посвојување, веднаш по раѓањето.
-Ги прифати сите деца, освен првото дете. Тоа бебе е дадено на посвојување, а сега детето е сместено во добро, згрижувачко семејство во околината на Деспотовац. Се зборуваше дека овие пет деца не се негови, но сепак сите ги прифати како свои, велат соседите.
Додаваат и дека Александра Ѓ. секогаш била средена, но дека ги запоставувала децата и куќата, како и дека земала лекови и неколку пати била лекувана од психијатар.
Александра првично го негираше извршувањето на делото, но откако и беше извршено полиграфско испитување каде се покажа дека не ја кажува вистината, реши да каже што точно се случило.
-На полицајците им кажала дека на 14-ти август почувствувала дека крвари и дека после тоа отишла во тоалет. По неколку секунди, според неа, почувствувала дека плодот и испаднал од стомакот, вели добро упатен извор на српскиот медиум.
По сопствено признание, го фотографирала детето, а фотографијата ја препратила на пријател преку социјалните мрежи. Потоа го убила и го ставила во замрзнувач.