Два вооружени турски воени авиони Ф-16 вчера го прекршиле воздушниот простор ФИР Атина во југоисточниот дел на Егејското море, според медиумите во Грција, кои посочуваат дека ова е прво прекршување по пауза од 30 месеци, јави дописничката на МИА од Атина.
Воените Ф-16 кои биле и вооружени прелетале меѓу островите Родос и Кастелоризо без претходно да достават план на летање.
Во текот на вчерашниот ден биле регистрирани вкупно три прекршувања на ФИР Атина: двата Ф-16, еден авион од типот АТР-72 и еден хеликоптер.
Сите турски авиони, како што пишуваат грчките медиуми, биле идентификувани согласно меѓународните правила.
Последните прекршувања од турска страна биле регистрирани во февруари 2023 година.