Сместување за семејствата на повредените кои се на лекување во Скопје! Во овие моменти на силна болка и тага во нашите срца потребно е да се организираме и да ја покажеме нашата солидарност, хуманост и сочувствителност, објави градоначалникот на Општина Гази Баба, Бобан Стефковски.
„За таа цел општина Гази Баба во координација со Владата на Република Македонија, а во соработка со ДУЦОР Партенија Зографски и Студенскиот дом Томе Стефановски Сениќ ОБЕЗБЕДУВА СМЕСТУВАЊЕ И ХРАНА за членовите на семејствата кои имаат свои повредени на лекување во болниците во Скопје.
На секој граѓанин на кого му е потребно сместување и престој во Скопје може да се јави на следните телефонски броеви:
Игор Петрески – 075430106 претставник на ДУЦОР Партенија Зографски
Иван Симоновски – 078292582, директор на Студенскиот дом Томе Стефановски Сениќ
Перица Пешевски – 075336338 претставник на општина Гази Баба
Дополнително ќе обезбедиме и храна и вода кои ќе бидат доставени пред болниците во Скопје.
Нашите молитви се за здравје на повредените, но и за утеха на семејствата на загинатите.
Многу тежок ден за Македонија!“, потенцира во објавата Стефковски.