Утрово во Министерството за одбрана остварив средба со амбасадорот на Црна Гора, Н.Е. Зоран Миљаниќ на кој му посакав успешна дипломатска мисија, објави на социјалната мрежа на Фејсбук министерот за одбрана Владо Мисајловски.
Разговаравме за продлабочување на сојузничката соработката меѓу двете земји како и за потребата од интензивирање на интегративните процеси за пристапување кон Европската Унија со една цел, стабилен, безбеден и просперитетен регион, пишува Мисајловски во својата објава.