Времето денеска со студено утро, а преку денот сончево. Ќе дува слаб до умерен ветер од северен правец.
Минималната температура ќе биде во интервал од -11 до -2, а максималната ќе достигне од 5 до 12 степени.
Во Скопје времето ќе биде сончево со слаб ветер од северен правец. Минималната температура ќе се спушти до -5, а максималната ќе достигне до 10 степени.
Од УХМР најавија дека следува период на стабилно време со ниски утрински температури и услови за појава на утринска магла по одделни котлини. Во петок ќе има зголемена облачност и ќе дува засилен ветер од северен правец. Дневните температури ќе бидат во пораст, особено за време на викендот и во почетокот на новата седмица.