-Имаме 30-тина изложувачи на овој прв новогодишен базар кој е по примерот на големите градови во регионот и пошироко. Изложени се разни производи од млеко, месо, пчелни, ракотворби, слатки мали нешта и сѐ што може да се најде како подарок за празниците на најблиските. Овие три дена понудата ќе биде зачинета и со настапи на локални бендови кои ќе изведуваат празнична музика, ќе има забавни игри и сето ја прави предновогодишната атмосфера, рече Снежана Ристеска, советник за култура при прилепската локална самоуправа.
На Базарот се и производители од целиот Регион со што се поттикнува локалната економија.
– Целта е да се види што сѐ умешно се произведува, да се поттикнат малите локални производители и да се понудат производи по „мерка“ на граѓаните. Убаво искуство за нив, а големо задоволство за граѓаните да вкусат домашни специјалитети, да се забавуваат во ведро расположение, рече Тодорка Наумоска Димески, лидер на „Слоуфуд“-Прилеп.
Новогодишниот базар во Прилеп ќе биде отворен до сабота, 30 декември.