Невреме со град со големина на орев го погоди регионот на Гевгелија, а најмногу град падна во селото Негорци.
Според информации од жители на Негорци, градот на два пати го погодил регионот.
– Град со големина на орев паѓаше нешто по 12:30 часот, а по 13:00 часот повторно падна и се е побеле. Според информациите со кои располагаме градот ги погоди селото Негорци, градот Гевгелија и други околни населени места, велат жители на Негорци.
Е воа не треабше, Гевгелија град ореа(ореви големи), катастрофа за градинарството, лозарството….не ми са типќе, ма боље…. не директно, ама…не ми са објаснаве, ного боље верувајте. pic.twitter.com/XCoYp6JhQy
— лЕшко (@leshovski) March 12, 2024
Инаку, на 7. овој месец регионот на Гевгелија беше зафатен исто така со невреме проследено со град и силен дожд, а следниот ден Општина Гевгелија ги извести граѓаните дека оние што претпреле штети од невремето можат да поднесат барање до Комисијата за проценка и утврдување на висината на штетата настаната од природни непогоди и други несреќи при Општината.
Во невремето од 7. март од удар на гром загина и малолетник во атарот на селото Негорци, кога ја напасувал стоката.