Министерството за внатрешни работи ја известува јавноста дека почна наизменично пропуштање на возила на патниот правец Стенковец-ГП Блаце, во едниот, па во другиот правец.
-Но, апелираме до граѓаните, доколку тоа не е неопходно, да не тргнуваат кон ГП Блаце, се до целосно нормализирање на сообраќајот односно целосно гасење на пожарот во близина на патот, информираат од МВР.
За тешки товарни возила важи целосна забрана за сообраќај.
Попладнево патот беше целосно затворен за сообраќај поради пожар, а затворен бешеи граничниот премин Блаце.