Украина пред еден месец испратила барање за донација на воена опрема од Македонија, но, министерката за одбрана Славјанка Петровска соопшти дека не биле во можност да одговорат позитивно, бидејќи опремата што ја побарале се користи и во нашата држава.
Да, има ново барање, но во моментов не можеме да одговориме позитивно на барањето – рече на брифинг со новинарите министерката Петровска.
Од Министерството соопштија дека Македонија претходно два пати одговори позитивно на барањата од Украина за донација на воена опрема, но дека станувало збор за застарена опрема која не се користела во нашата армија и била само товар и трошок за одржување.