Вечерва градоначалникот на Град Скопје, Орце Ѓорѓиевски присуствуваше на одбележувањето на Ханука, празникот на светлината, надежта и истрајноста.
Настанот беше можност уште еднаш да се потврдат вредностите на слободата, верската толеранција и меѓусебното почитување, како темели на едно инклузивно и заедничко општество.
-Вечерва имав чест да присуствувам на одбележувањето на Ханука, празникот на светлината, надежта и истрајноста. Ханука нè потсетува на значењето на слободата, верската толеранција и почитувањето на различностите и вредностите врз кои го градиме заедничкото општество. Им честитам на припадниците на еврејската заедница и посакувам празникот да донесе мир, здравје и светлина во секој дом, посочи Ѓорѓиевски.
