Центарот за управување со кризи по известување од ЈСП Скопје информира дека мал број автобуси од приградските линии не сообраќаат до крајните дестинации.
Станува збор за автобусите со броеви: 11, 64, 74, 80 и 81.
По однос на врнежите од снег и патиштата до 09 часот, состојбата во земјава е следна:
Битолски регион
Во Општина Крушево, на регионалниот пат Крушево – Пуста Река (пат од втор приоритет), ќе се интервенира во претпладневните часови. Патот е прооден за теренски возила и возила со соодветна зимска опрема. Во Општина Демир Хисар, поради дефект на електричната мрежа, без електрична енергија се корисниците во селото Големо Илино. Екипите на ЕВН се на терен и работат на отстранување на дефектот.
Охридски регион
Во Општина Кичево има патни правци кон планинските села кои сè уште се чистат, а се очекува истите да бидат целосно расчистени во текот на денешниот ден.
Штипски регион
Во Општина Виница, на повисоките населени места, има појава на голомразица и се препорачува внимателно управување со возилата.
Кумановски регион
Во Општина Ранковце, во текот на денешниот ден ќе се работи на расчистување на патните правци кон селата Герман и Огут.