Стотина припадници на Армијата и два хеликоптера МИ 8/17 од воздухопловниот ВИНГ од раните утрински часови во координација со сите
инволвирани субјекти отпочнале со координиран и насочен ангажман во гаснењето на
пожарот во поширокиот реон на неготинско и планината Серта.
– По наредбата од страна на претседателката и врховен командант на Вооружените Сили, Гордана Сиљановска Давкова за ангажирање на Армијата за справување со пожарите во реонот на неготинско, началникот на Генералштабот, генерал-потполковник Васко Ѓурчиновски нареди ангажирање на потребни капацитети на Армијата, информираа утринава од Генералштабот на Армијата.
![](https://kurir.mk/wp-content/uploads/2024/07/arm-helikopter-pozar-2-690x923.jpg)
Армијата, како што се наведува во соопштението, согласно својата мисија и задачи останува максимално подготвена во извршувањето на својата Уставна обврска и задачи од мисијата која вклучува и нејзино ангажирање во помош на граѓаните и институциите при справување со елементарни непогоди секогаш кога било потребно.
![](https://kurir.mk/wp-content/uploads/2024/07/arm-helikopter-pozar-4-690x920.jpg)
Владата доцна синоќа по барање на Кризниот штаб од Неготино прогласи кризна состојба.