Финансиска полиција уапсила едно лице во врска со предмет поврзан со ЈЗУ Општа болница „Борка Талески“ – Прилеп. Како што неофицијално дознаваме, станува збор за проневера во износ од неколку милиони денари.
Минатиот месец претреси се вршеа на неколку локации, во болницата, но и во домови. Се проверуваа сомнителни јавни набавки направени во Јавната здравствена установа.
Тогаш приведени лица немаше бидејќи се работеше за предистражна постапка.
-Основното јавно обвинителство Прилеп постапува во предистражна постапка поради сомненија за кривично дело Злоупотреба на службена положба и овластување, а поврзано со финансиското работење на болницата. Обезбедени се наредби за претрес на осум локации, а дејствијата ги презема Управата за финансиска полиција. По претресите, предистражната постапка ќе продолжи со други дејствија за обезбедување докази, истакнаа од ОЈО минатиот месец.