Во Домот за култура „Билјана Беличанец“ во Кисела Вода во Скопје вечер ќе се одржи премиера на претставата „Секогаш последни“, која е продуцирана од „Скоро театар“ – Скопје, со поддршка на „Златен заб“.
Претставата ја играат, режираат и креираат Виктор Бужаров и Жарко Јовановиќ.
Како што соопштија од „Скоро театар“, Виктор и Жарко ќе го играат напишаниот текст од првично планираната дистописка претстава, но ќе вклучат и интеракција со публика, технологија и вештачка интелигенција.
Претставата е реализирана преку резиденцијална мобилност поддржана од Гете Институт и Министерство за култура и туризам. Инспирирана е од пристапот на работа на чешкот театролог, Иван Вискочил.