Припадници на министерството за внатрешни работи го привеле насилникот од Радовиш кој тепаше жена, а насилството го пренесуваше во живо на социјалната платформа „Тик Ток“.
Лицето веднаш е однесено во станица, потврдуваат од МВР.
Вознемирувачкото видео се прошири на социјалните мрежи, а извори велат дека насилникот не ја малтретирал само бремената жена, туку и нејзините деца.
На снимката се гледа како насилникот постојано ја пцуе и тепа жената, за која се тврди дека е бремена.
На социјалните мрежи се шират и други видеа од истиот насилник кој ја малтретира бремената жена, против истиот веќе има активен судски спор бидејќи претходно малтретирал и друга жена.