Германските даночни приходи во јули биле значително помали во споредба со истиот месец минатата година поради остриот пад на приходите од данокот на промет, објави Министерството за финансии на земјата.
Даночните приходи на сојузната и покраинските влади во јули се намалени за 7,9 отсто во однос на истиот месец лани, на вкупно 63,8 милијарди евра, се наведува во месечниот извештај на Министерството. Даночните приходи во периодот од јануари до јули се зголемени за 1,9 отсто во однос на истиот период лани и достигнале 477,8 милијарди евра.
Германската економија се намали за 0,1 отсто во вториот квартал, што укажува на континуирани тешкотии во најголемата економија во еврозоната.
„Првите показатели не упатуваат на динамично закрепнување во блиска иднина“, се вели во извештајот.
За целата 2024 година, аналитичарите предвидуваат дека даночните приходи ќе достигнат 863,68 милијарди евра и ќе бидат за 4,1 отсто повисоки од претходната година, се вели во извештајот.
Во јули, германската влада усвои економски пакет кој има за цел да ја заживее економијата и да го стимулира растот за повеќе од половина процентен поен во 2025 година. Посилен економски раст благодарение на овој пакет мерки следната година треба да оствари дополнителни приходи од шест милијарди евра, проценува Министерството за економија.