Женската ракометна репрезентација на Шведска првпат во историјата ќе игра во полуфиналето на Олимписките Игри, откако во четвртфиналната фаза ја надигра селекцијата на Унгарија со 36-32.
Победникот мораше да биде решен во дополнителното време, откако натпреварот заврши со нерешен резултат (29-29).
Одлична партија одигра Катрин Клујбер со единаесет постигнати голови, додека кај Швеѓанките најдобра беше Копанг со седум кола, а по шест погодоци додадоа Хагман и Блогман.
Феноменално издание кај Шведска имаше и голманката Јохана Бундсен, која запиша дури 22 успешни интервенции.
Шведска во полуфиналето ќе се сретне со актуелниот олимписки шампион и домаќин на Олимписките игри, селекцијата на Франција.