Ракометарките на Данска ја победија Словенија со 33-26 во 4. коло од Групата 2 на Европското првенство и со тоа остануваат во игра за полуфиналето на собирот на најдобрите репрезентации на Стариот континент.
Израмнето се играше низ три четвртини од натпреварот, за да Данките целосна доминација демонстрираа во финишот кога направија разлика за конечна победа.
По овој триумф, Данска сега во последното коло од групната фаза во директен дуел со Холандија ќе одлучува за место во полуфиналето на ЕП.
Најефикасна кај Данска беше Халилчевиќ со шест гола, а Хансен постигна пет погодоци. Одличен меч одиграа Словенките предводени од Станко со осум гола и Лјепоја со шест погодоци.