Македонскиот таеквондист, Дејан Георгиевски успеа да освои сребро на светскиот Г1 куп во Букурешт, Романија.
Георгиевски со победите над Дарел Вудард од САД и Петрос Андреу од Кипар се избори за финале во кое за противник го имаше Ел Јазиди Омар.
Дејан во минатото успевал да го совлада Французинот (четири пати), но овојпат Омар беше на повисоко ниво и издвојува победа.
Меѓутоа без разлика на неуспехот во финалето во таборот на Георгиевски се задоволни, позитивно расположени и веруваат дека ова е само уште еден чекор кон конечната цел, пласман на Олимписките Игри кои во 2028 година ќе се одржат во Лос Анџелес.