Машката одбојкарска репрезентација на Бугарија се пласираше во полуфиналето на Светското првенство кое се одржува на Филипините.
Бугарите ги победија Соединетите Американски Држави во четвртфиналниот натпревар со резултат 3-2 (21-25, 19-25, 25-17, 25-22, 15-13).
За Соединетите Американски Држави, Итан Чамплин беше најефикасен со 17 поени. Џордан Еверт додаде 15 поени, додека Мерик Мекхенри имаше 12 поени.
Ова е прв пласман за бугарската репрезентација во полуфиналето на Светското првенство од 2006 година, а оваа година ќе играат против Чешка. Во вториот полуфинален натпревар ќе се сретнат екипите на Полска и Италија.