Леброн Џејмс повторно е вмешан во расправија со Дилон Брукс. Во последната четвртина, играчот на Хјустон го удри во лице лидерот на Лејкерс по еден дуел во скок.
Судиите по прегледувањето на видеоснимката, му доделија на Брукс неспортска грешка од прв степен, дозволувајќи му да избегне исклучување. Џејмс не го криеше незадоволството од оваа одлука.
Додека зборуваше со новинарите по натпреварот, Леброн прво игнорираше, а потоа не го одговори прашањето за Брукс.
Конфликтот меѓу Џејмс и Брукс започна во текот на минатата сезона, кога кошаркарот кој настапуваше за Мемфис на различни начини се обиде да го испровоцира четирикратниот МВП на НБА. (МИА)