Фудбалерите на Реал Мадрид синоќа го елиминираа Атлетико во осминафиналето на Лигата на шампионите по подобро изведување на пенали, а голема полемика настана откако судијата Шимон Марчињак го поништи голот на Хулиан Алварес во втората серија.
Алварес го матираше Тибо Куртоа израмнувајќи на 2:2 во пенал рулетот, а потоа од ВАР собата го контактираа Марчињак кој на крај го поништи голот, овозможувајќи му на Федерико Валверде веднаш да го доведе Реал во предност од 3:2.
Многу гледачи на телевизиските екрани, но и сите на стадионот останаа зачудени зошто Полјакот го поништи голот на Алварес, кој на прв поглед изгледаше сосем регуларен.
Es que ni teniendo miopía puedes decir que el penalti de Julian Álvarez fue a dos toques.
Es un atraco histórico pic.twitter.com/93sdPWiIHT
— Lexa (@alexaxfcb) March 12, 2025
Имено, Аргентинецот додека шутираше ја допре топката со двете нозе. Поточно, шутираше со десната нога, а топката му го фати врвот на левата копачка.
Иако контактот беше незабележлив за очи, беше виден во забавена снимка во ВАР просторијата, а Томаш Квиатковски му сугерираше на Марчињак да го поништи, па тој на крај постапи според правилата и го прогласи голот за неважечки.
¿Está bien anulado el penalti de Julián Álvarez?
𝗦𝗜.
Existe un toque mínimo y casi imperceptible que, de una forma muy leve, mueve el balón antes del golpeo del argentino.
Intervención dificilísima pero pluscuamperfecta de Tomasz Kwiatkowski desde el VAR. pic.twitter.com/z2OKtPVrry
— Archivo VAR (@ArchivoVAR) March 12, 2025
Реал на крајот победи со 4:2 на пенали откако покрај Алварес промаши и Маркос Љоренте, чиј удар завреши во пречката, па се пласираше во четвртфиналето, каде за противник ќе го има Арсенал.