Финалниот натпревар од фудбалската Лига на шампиони во 2027 година ќе се одигра на стадионот на Атлетико Мадрид, објави денеска Европската фудбалска унија (УЕФА).
Стадионот „Метрополитано“ во Мадрид е избран да биде домаќин на финалето на Лигата на шампиони во сезоната 2026/2027, наведе УЕФА.
The UEFA Executive Committee has appointed the Estadio Metropolitano in Madrid as the host for the 2027 #UCLfinal.
Will you be there? 👇 pic.twitter.com/4bL8Sjcr1m
— UEFA (@UEFA) September 11, 2025
Финалето е закажано за 5 јуни 2027 година.
Ова ќе биде втор пат финалето на најелитното европско натпреварување да се игра на стадионот Атлетико, по 2019 година, кога Ливерпул го победи Тотенхем со 2:0.
Шпанската престолнина ќе биде домаќин на финалето на Лигата на шампиони по шести пат.
Финалето на Лигата на шампионите оваа сезона ќе се игра на 30 мај идната година на „Пушкаш Арена“ во Будимпешта.